स्थलमार्ग हुँदै भारत गएर मध्यपूर्वका ९ देशमा उड्न नपाइने

फागुन ६, २०७६ मंगलबार १४:५०:९ | उज्यालो सहकर्मी

काठमाण्डौ – नेपाली नागरिकले अब स्थलमार्ग हुँदै भारत गएर त्यहाँबाट साउदी, कतार, यूएई लगायत मध्यपूर्वका ९ देशमा उड्न नपाउने भएका छन् ।

खुला सिमानाको प्रयोग गरी मानव तस्करी समेत हुने गरेकाले स्थलमार्ग भएर भारत हुँदै त्यहाँबाट मध्यपूर्वका ९ देशमा उड्न नपाइने भारतमा रहेको नेपाली दूतावासले जनाएको छ ।

तर वैदेशिक रोजगार विभागको श्रम स्वीकृतिको स्टिकर लिएका नेपालीक‍ो दूतावासबाट नो अब्जेक्सन लेटर भएमा भने भारतबाट उड्न पाइनेछ । साथै मध्यपूर्वका ९ देशबाहेक अरु देशमा जानका लागि पासपोर्टमा भारत प्रवेश गरेको छाप भारतीय अध्यागमनले लगाएको हुनुपर्छ ।

खुला सिमानाक‍ो दुरुपयोग गर्दै मानव तस्करी हुने भन्दै दूतावासले अध्यागमन विभागलाई पनि स्थलमार्गबाट भारत जाने नेपाली नागरिकलाई त्यहाँबाट जहाज चढ्दा प्रस्थान छाप नलगाउने व्यवस्था गर्न अनुरोध गरेको छ ।

नेपालले प्रस्थान छाप नलगाएको पासपोर्टमा भारतले पनि आगमन छाप नलगाउने हुँदा उनीहरुलाई भारतीय विमानस्थल प्रयोग गरी उड्न अनुमति दिइने छैन ।

साथै स्थलमार्गबाट भारत प्रवेश गरी तेस्रो देश जान खोज्दा हुन सक्ने समस्याबाट बच्न त्रिभुवन अन्तर्राष्ट्रिय विमानस्थलकै प्रयोग गर्न दूतावासले सबै नेपालीलाई आग्रह पनि गरेको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्