पुसमा वैदेशिक रोजगारीमा जाने घटे, आधाभन्दा धेरै अदक्ष

माघ १४, २०७६ मंगलबार ११:२०:५८ | उज्यालो सहकर्मी

काठमाण्डौ – पुस महिनामा वैदेशिक रोजगारीमा जानेको संख्या मंसिरको भन्दा ४ हजारले घटेको छ ।

मंसिरमा ५३ हजार २ सय १५ पुरुष र ३ हजार ५ सय ९५ महिला गरी जम्मा ५६ हजार ८ सय १० जनाले वैदेशिक रोजगारीको लागि श्रम विभागबाट अन्तिम श्रम स्वीकृति लिएका थिए ।

पुसमा यो संख्या ४ हजार पाँच सय ८५ जनाले घटेर ५२ हजार २ सय २५ जनाले वैदेशिक रोजगारीको लागि अन्तिम श्रम स्वीकृति लिएका छन् । यसमा ४८ हजार ८ सय ५८ पुरुष र ३ हजार ३ सय ६७ महिला रहेको विभागको तथ्यांकले देखाएको छ ।

साउदी जाने धेरै

गएको महिना वैदेशिक रोजगारीको लागि सबैभन्दा धेरै साउदी अरब गएका छन् । साउदीमा १२ हजार ५ सय १४ पुरुष र ७० महिला गरी १२ हजार ५ सय ८४ जना गएका छन् ।

यस्तै साउदीपछि कतार जानेको संख्या धेरै छ । कतारको लागि ११ हजार ३ सय ८६ पुरुष र ४ सय ५४ महिला गरी ११ हजार ८ सय ४० जनाले विभागबाट अन्तिम श्रम स्वीकृति लिएका छन् ।

यूएईमा ९ हजार ३ सय ६० पुरुष र एक हजार ३ सय ५६ महिला गरी १० हजार ७ सय १६ तथा मलेसियामा १० हजार ५ सय १२ पुरुष र ९१ महिला गरी १० हजार ६ सय तीन जनाले वैदेशिक रोजगारीको लागि अन्तिम श्रम स्वीकृति लिएका छन् ।

कुवेत जानेको संख्या १ हजार ९ सय ६६ पुरुष र ३ सय ९ महिला गरी दुई हजार दुई सय २७ रहेको छ ।

आधाभन्दा बढी अदक्ष कामदार

वैदेशिक रोजगारीमा गएकामध्ये आधाभन्दा धेरै अदक्ष छन् । ५२ हजार २ सय २५ जनामध्ये २९ हजार ९ सय ६५ जना अदक्ष श्रमिक गएको विभागको तथ्याँकमा उल्लेख छ ।

यस्तै ४ हजार ६ सय २० जना अर्धदक्ष, १७ हजार ६ सय ६ जना दक्ष, २७ जना व्यवसायिक रुपमा दक्ष र ६ जना उच्च दक्ष रहेका छन् ।

४९ वटा म्यानपावरले श्रमिक पठाउन सकेनन्

गएको महिना ८ सय १७ म्यानपावरमध्ये ७ सय ६८ म्यानपावरले मात्र श्रमिक पठाएका छन् । यसमध्ये रिभर ओभरसिजले सबैभन्दा बढी ५ सय ९३ जनालाई वैदेशिक रोजगारीमा पठाएको छ भने दोस्रोमा प्याराडाइज इन्टरनेशनलले ४५१ जनालाई पठाएको छ ।

यस्तै ५३ म्यानपावरले एक जना मात्र पठाएका छन् भने २७ म्यानपावरले दुई जना मात्र पठाएका छन् । पुसमा ४९ म्यानपावरले एक जना पनि श्रमिक पठाउन सकेनन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्