वैदेशिक रोजगारी सम्बन्धी उजुरी फर्छ्यौटका लागि सम्पर्क गर्न विभागको अनुरोध

पुष १४, २०७६ सोमबार १२:५४:२५ | उज्यालो सहकर्मी

काठमाण्डौ – वैदेशिक रोजगार विभागले उजुरी दर्ता गराएर सम्पर्कबिहीन भएका उजुरीकर्तालाई उजुरी फर्छ्यौटका लागि १५ दिन भित्र सम्पर्क गर्न अनुरोध गरेको छ ।

वैदेशिक रोजगारीको क्रममा समस्यामा परेर विभागमा म्यानपावर विरुद्ध उजुरी दर्ता गराएर सम्पर्कबिहीन भएका र प्रमाण नपुगेका उजुरीकर्तालाई प्रमाणसहित १५ दिनभित्र सम्पर्क गर्न विभागले अनुरोध गरेको हो ।

मलेसिया गएका श्रमिकको सन्दर्भमा २०७१ सालसम्म दर्ता भएका उजुरीकर्ता, मलेसियाबाहेक अरु देशमा गएका श्रमिकको हकमा २०७२ सालसम्म दर्ता भएका उजुरीकर्ता र पासपोर्ट माग गरी उजुरी दर्ता गरेका उजुरीकर्ताको हकमा उजुरी दिएको एक वर्ष पूरा भएका उजुरीकर्ताले प्रमाणसहित उजुरी फर्छ्यौटका लागि विभागमा सम्पर्क गर्न सक्नेछन् ।

विभागबाट इजाजतपत्र संस्थामाथि परेका र विभागको अभिलेख एवं सूचना प्रणालीमा दर्ता भएका उजुरी फर्छ्यौट गर्न श्रम रोजगार तथा सामाजिक सुरक्षा मन्त्रालयको सचिवस्तरीय बैठकको निर्णयअनुसार पुराना उजुरीमाथि विभागले फरफारक गरिरहेको छ ।

तोकिएको समयमा विभागमा उपस्थित नभएमा त्यस्ता उजुरी तामेलीमा राख्ने विभागले जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्