वैदेशिक रोजगारीका कारण मानसिक समस्या भएकालाई नीलकण्ठ नगरपालिकाले आर्थिक सहयोग गर्ने

मंसिर २०, २०७६ शुक्रबार १७:५९:५६

धादिङ – वैदेशिक रोजगारीबाट मनोसामाजिक समस्या भएर फर्किकालाई नीलकण्ठ नगरपालिकाले आर्थिक सहयोग गर्ने भएको छ ।

आर्थिक अभावको कारण औषधि उपचार गर्न नसक्ने नागरिकलाई नगरपालिकाले १० हजार रुपैयाँसम्म सहयोग गर्ने नीलकण्ठ नगरपालिकाका मेयर भिमप्रसाद ढुङ्गानाले बताउनुभयो ।

औषधि उपचार गर्न समस्यामा परेका मानसिक रोगीलाई उपचारको लागि आर्थिक सहयोग र मनोविमर्श सेवासमेत एकै साथ प्रदान गरिने मेयर ढुङ्गानाले जानकारी दिनुभयो ।

सुरक्षित आप्रवासन सामी परियोजना सञ्चालन गरिरहेको नीलकण्ठ नगरपालिकाले वैदेशिक रोजगारीको कारण उत्पन्न मनोसामाजिक समस्या तथा मानसिक रोगको बिरामीका लागि नगरपालिकाले कोष नै खडा गरेर सेवा दिन लागेको हो ।

खाडीबाट पठाएको रेमिट्यान्सबाट देश चलिरहेको समयमा उनीहरुको पीर मर्कामा नगरपालिकाले सहयोग गर्न चाहेको मेयर ढुङ्गानाको भनाई छ ।

वैदेशिक रोजगारीमा गएका परिवारका सदस्यमध्ये ६० प्रतिशतमा कुनै न कुनै मनोसामाजिक समस्या देखिने गरेको मनोविमर्शकता रामकुमार थापाले बताउनुभयो ।

मनोसामाजिक समस्यामा रहेकाहरुलाई मनोविमर्शबाट समस्या कम गर्न सकिने र केहीलाई औषधि र परामर्श आवश्यक पर्ने भएकाले पनि नागरपालिकाको यो प्रयासले समस्यामा पर्नेलाई राहत पुग्ने विश्वास लिइएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्