नेपाली श्रमिकको संख्या बढाउने बहराइनको चाहना

कात्तिक २६, २०७६ मंगलबार १८:१५:१३ | उज्यालो सहकर्मी

काठमाण्डाै - बहराइनले नेपाली श्रमिकको संख्या बढाउन चाहेको बताएको छ ।

श्रम, रोजगार तथा सामाजिक सुरक्षामन्त्री गोकर्ण विष्टसँग मंगलबार भएको छलफलमा नेपालका लागि बहराइनका राजदूत अब्दुल रहमान मोहमद अहमद अल गउडले यस्तो बताउनुभएको हो ।

उहाँले नेपाली श्रमिकहरु अनुशासित र कामप्रति प्रतिबद्ध भएकोले बहराइनमा नेपाली श्रमिकको माग बढेको पनि बताउनुभयो ।

बहराइनको विकासमा नेपाली श्रमिकले महत्वपूर्ण योगदान पुर्याएको भन्दै उहाँले नेपाली श्रमिकको प्रशंसा पनि गर्नुभयो । उहाँले नेपाल र बहराइनबीचको श्रम सम्झौता परिमार्जन गर्न बहराइन सरकार तयार रहेको बताउँदै नेपाली श्रमिकको हकहित र कल्याणका लागि बहराइन सरकार प्रतिबद्ध रहेको बताउनुभयो ।

मन्त्री विष्टले बहराइनमा रोजगारीका लागि जाने नेपाली श्रमिकको संख्या बढाउन नेपाल सरकार सकारात्मक रहेको जानकारी दिनुभयो । बहराइनमा रहेका नेपाली श्रमिकको सामाजिक सुरक्षा र कल्याणमा दुबै देशले विशेष ध्यानखदिनुपर्ने भन्दै मन्त्री विष्टले नेपाल र बहराइनबीच भएको श्रम समझदारीलाई समयानुकुल बनाउनुपर्ने आवश्यकता रहेकोमा जोड दिनुभयो ।

मन्त्री विष्टले नेपाली श्रमिकका समस्या समाधानमा बहराइन सरकारको सकारात्मक भूमिकाको अपेक्षा रहेको कुरा समेत व्यक्त गर्नुभएको मन्त्रालयका प्रवक्ता डा। नारायण प्रसाद रेग्मीले जानकारी दिनुभयो ।

अन्तिम अपडेट: मंसिर २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्