पाँचखालमा खेतीयोग्य जमिन प्लटिङ गर्न ‘प्रतिबन्ध’

कात्तिक १९, २०७६ मंगलबार १२:३९:५५ | कपिल कोइराला

काभ्रेपलाञ्चाेक - ‘पाँचखाल नगर कृषि शहर’ भन्ने नारा बोकेको पाँचखाल नगरपालिकाले पाँचखालका खेतीयोग्य जमिनमा प्लटिङ गर्न प्रतिबन्ध लगाएको छ ।

कृषि र पशुपालनका क्षेत्रमा असर पुगेको भन्दै इँटा उद्योगलाई समेत वातावरणमैत्री बनाउन आग्रह गरेको छ । सञ्चारकर्मीहरुसँगको अन्तरक्रिया कार्यक्रममा वातावरणमैत्री नभए इँटा उद्योग चलाउन नदिने नगरपालिकाका मेयर महेश खरेलले जानकारी दिनुभयो । ‘मापदण्डविपरीतका इँटा उद्योग यथास्थितिमा सञ्चालन नगर्न व्ययसायीलाई पत्राचार गरेका छौँ, पाँचखाल उपत्यकाको वातावरण स्वच्छ बनाउन वातावरण ऐन पनि पास गरिसकेका छौँ, त्यहीअनुसार उद्योग सञ्चालन गर्न अनुरोध गरिसकेका छौँ, त्यहीअनुसार नभए चल्न दिँदैनौँ’, मेयर खरेलले भन्नुभयो ।

पाँचखालका वडा नम्बर ७, ८, ९ र १२ मा मापदण्डविपरीतका हाल सात इँटा उद्योग र एक प्लाइउड कारखाना सञ्चालनमा छन् । प्लाइउड कारखाना भने नगरले बन्द गराइसकेको छ । थप १५ उद्योग स्थापनाका लागि प्रस्ताव आउँदा आफूले वातावरणमैत्रीबिना सञ्चालन गर्न अनुमति नदिएको मेयर खरेलले बताउनुभयो । उहाँले प्राकृतिक स्रोतको दोहन तथा वातावरण बिगार्ने कुनै पनि उद्योग, कलकारखाना स्थापना हुन नदिने बताउनुभयो ।

कृषिलाई प्रवर्द्धन गर्ने उद्देश्यले नगरपालिकाले चालू आर्थिक वर्षका लागि प्रिबेसिक सिड आलु दाना वितरण, घरेलु तथा जैविक विषादी उत्पादन तथा भकारो सुधार, वडा नं ७, ८, ९, १०, ११, १३ मा मौरी घार तथा फलफूल बिरुवा वितरण मौरीको पकेट क्षेत्र, एकल महिला सीपमूलक कार्यक्रम सञ्चालन, दिगो विद्यालय वातावरण शिक्षा कार्यक्रम, मौलिक बाजा संरक्षण कार्यक्रम, लगानीकर्ता तथा रोजगारदाताको सम्मेलन, लभ ग्रीन नेपालको साझेदारीमा दिगो कृषि कार्यक्रम सञ्चालन गरेको नगरले जनाएको छ ।

नगरपालिकाले स्थानीय तह स्वमूल्याङ्कनको नमुना नगरपालिकामा परि उत्कृष्ट अंक प्राप्त (८६ अंक) गरेको, सुनकोशी पाँचखाल खानेपानी आयोजना सम्झौता सम्पन्न गरी काम सुरू गरेको, सेजका लागि कम्पाउन्ड निर्माण, महिला औद्योगिक ग्राम स्थापना गर्नका लागि सम्झौता, राजस्व तथा जिन्सी सफ्टवेयर खरिद, एसईई दिने विद्यार्थीहरूका लागि कोचिङ कक्षा सञ्चालन, खेलकुद तथा अतिरिक्त क्रियाकलापका कार्यक्रम सञ्चालन गरिएको नगरपालिकाले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्