यूएईमा बहुपक्षीय छलफल भयो : मन्त्री विष्ट

कात्तिक १, २०७६ शुक्रबार १३:५३:३७ | उमाकान्त पाण्डे

यूएई – संयुक्त अरब इमिरेट्स (यूएई) आउनु भएका श्रम, रोजगार, तथा सामाजिक सुरक्षा मन्त्री गोकर्ण विष्टले यूएई भ्रमणमा बहुपक्षीय छलफल भएको बताउनुभयो ।

दुबईमा भएको मन्त्रीस्तरीय पाँचौँ आबुधाबी डायलगमा सहभागी हुन मंगलबार यूएई आउनु भएका मन्त्री बिष्टले विभिन्न देशका मन्त्री तथा उच्चसरकारी अधिकारीसँगको भेटमा बहुपक्षीय छलफल भएको र छलफल सकारात्मक भएको बताउनु भएको हो ।

यूएई भ्रमण सकेर फर्किनुअघि उज्यालोसँग कुरा गर्दै मन्त्री विष्टले दुबईमा विभिन्न देशका समकक्षीसँग छलफल भएको बताउनुभयो । मन्त्री विष्टले श्रमबजारमा श्रमिकको सुरक्षा र भविष्यबारे नेपाल सरकारले गरेको नीतिगत सुधार र कार्यन्वयनको विषयलाई अन्तर्राष्ट्रिय समुदायले उदाहरणका रुपमा चर्चा गर्ने गरेको बताउनुभयो ।

यूएई भ्रमणका बेला नेपाली कामदारका समस्या र समाधानका उपाय थप नजिकबाट बुझ्ने अवसर पाएको भन्दै मन्त्री विष्टले आफूले गर्नुपर्ने विषय नेपाल फर्किएलगत्तै सम्बोधन गर्ने बताउनुभयो ।

आबुधाबी डायलगमा बिहीबार सम्बोधन गर्नुभएका मन्त्री बिष्ट शुक्रबार साँझ नेपाल फर्किँदै हुनुहुन्छ ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।