मुख्यमन्त्री पौडेलकाे बाेलीमा राजधानी: काठमाण्डाैमा बाेल्दा सार्न मिल्ने, हेटाैंडामा बाेल्दा नमिल्ने

साउन २६, २०७६ आइतबार १७:२४:४६ | हरि हुमागाईं

मकवानपुर - प्रदेश नम्बर ३ का मुख्यमन्त्री डोरमिण पौडेलले प्रदेशको राजधानी हेटौंडाबाट नसर्ने र पूर्व पस्चिम राजमार्ग अन्तरगत हेटौंडा क्षेत्रमा सडककको दायाँ–बायाँ २५ मिटर सडक पनि नभत्कने बताउनुभएको छ ।

जिल्ला समन्वय समिति मकवानपुरको चौथो जिल्ला सभाको आइतबार हेटौंडामा उद्घाटन गर्दै उहाँले प्रदेशको राजधानी हेटौंडाबाट सार्न नदिने बताउनुभयो ।
प्रदेशका ९० प्रतिशतभन्दा बढी सांसदहरु हेटौंडाबाट राजधानी सार्ने पक्षमा रहेको बताउँदै उहाँले भन्नुभयो, ‘१८ महिनासम्म हेटौंडामा राजधानी राख्नको लागि मेरो महत्वपूर्ण भूमिका छ । मेरो भूमिका नभएको भए प्रदेश सभाको पहिलो, दोस्रो बैठकमा नै राजधानी सरिसक्थ्यो । त्यसैले काठमाण्डाै उपत्यका वरपर राजधानी हुनै सक्दैन, हेटौंडाको विकल्प छैन ।’

तर गएकाे बिहीबार काठमाण्डाैमा बाेल्दा भने उहाँले राजधानी रामेछाप वा नुवाकाेट जहाँ लगे पनि हुन्छ, हेटाैंडा नै हुनु पर्छ भन्ने छैन भन्ने अभिव्यक्ति दिनुभएकाे छ ।

सम्बन्धित समाचार

‘प्रदेश ३ को राजधानी सिंहदरबारको छायाँमा हुँदैन, नुवाकोट वा रामेछाप लगे पनि हुन्छ’

हेटौंडामा राजमार्गको दायाँबायाँ २५ मिटर सडक नभत्कने पनि मुख्यमन्त्री पौडेलले बताउनुभयो । अहिलेको अवस्थाको हेटौंडा बजार भत्काएर नहुने बताउँदै मुख्यमन्त्रीपौडेलले भन्नुभयो, ‘राजमार्ग कुनै पनिशहरको बीचबाट जानै सक्दैन । बजार क्षेत्रमा २५ मिटर सडक भत्कन दिन्नँ । हिजो पनि मैले यही बोली बोलेको हुँ र भोलि पनि यही बोल्छु ।’

हेटौंडा बजार क्षेत्रको रातोमाटेदेखि चौकिटोल सम्मबजार क्षेत्रका घरहरु भत्किएमा कस्तो होला? भन्दै उहाँले२५ मिटर पछाडि घर भएकाहरुले सडकमा घर आईपुग्छ भनेर सपना नदेख्न आग्रह गर्नुभयो ।

हेटौंडा बजार क्षेत्रमा सडकको दायाँबायाँ १६–१६ मिटर मात्र सडक भत्कने बताउँदै उहाँले भन्नुभयो, ‘बजार क्षेत्रमा मेरो पनि घर पर्छ १६ मिटरमा सबै भत्कlन्छ । पहिले मै घर भत्काउँछु । त्यसपछि बाइपास सडक पनि बनाइन्छ । बाइपासका लागि प्रदेश सरकारले ठूलो बजेट छुट्याएको छ ।’

नगरवासीको स्वार्थका कारण २५ मिटरको सट्टामा १६ मिटर मात्र सडक बिस्तार गर्ने उहाँले बताउनुभयो ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्