साउदीमा महिला कामदार समस्यामा, सप्लाई र कन्ट्राक्टिङ कम्पनीका माग पत्र प्रमाणीकरण नगर्ने

साउन २१, २०७६ मंगलबार ११:३२:३ | उज्यालो सहकर्मी

काठमाण्डौ – महिला कामदार समस्या परेको भन्दै साउदी स्थित नेपाली दूतावासले सप्लाई र कन्ट्राक्टिङ कम्पनीमा महिला कामदाको माग प्रमाणीकरण नगर्ने भएको छ ।

भनेअनुसारको सेवा सुविधा नपाएको लगायतका गुनासा बढेपछि सप्लाई र कन्ट्राक्टिङ कम्पनीमा नेपाली महिला कामदारको अवस्था बुझ्न दूतावासले गरेको एक सर्वेक्षणले महिला कामदार शोषणमा परेको पाएपछि मागपत्र प्रमाणीकरण स्थगित गरेको दूतावासले जनाएको छ ।

सर्वेक्षणले महिला कामदारले पारिश्रमिक कम पाएको, समयमा औषधोपचार नपाएको, वीमा नगरेको, विभिन्न बहानामा अन्यत्र काममा लगाउने गरेको, तीन वर्षको करार गरेको, व्यवस्थापन वा सुपरभाइजरसँग गुनासो राख्दा नसुन्ने एवं धम्क्याउने गरेको पाइएको छ ।

त्यस्तै गुनासोको निवेदन दिँदा नलिएको, पोशाक चाहिने कामका लागि पोशाक व्यवस्था नगरेको, बजार जाँदा अकामा तथा राहदानी साथमा लान नदिएको, आवासमै भएको बकालामा महंगोमा सामान किन्न बाध्य पारिएको र दुई तहभन्दा बढी कम्पनीमा आपूर्ति गर्ने गरी भर्ना गरेको पाइएको दूतावासले जनाएको छ ।

सर्वेक्षणका क्रममा भेटिएका प्रायः सबै महिला कामदारहरु सप्लाई र कन्ट्राक्टिङ कम्पनीहरुमा आएको पाइएकाले दूतावासले यी कम्पनीबाट आउने मागपत्र प्रमाणीकरण नगर्ने भएको हो ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्