विदेशमा अभिभावक गुमाएका दोलखाका ६ विद्यार्थीले पाए छात्रवृत्ति

साउन १२, २०७६ आइतबार १३:१९:३९ | उषा तामाङ

दोलखा – विदेशमा अभिभावक गुमाएका दोलखाका ६ जना विद्यार्थीले छाञवृत्ति पाएका छन् ।

वैदेशिक रोजगार बोर्डले दोलखाका विभिन्न ठाउँमा अध्ययनरत ६ जना विद्यार्थीलाई आर्थिक वर्ष २०७५/०७६ मा छात्रवृत्ति प्रदान गरेको शिक्षा विकास तथा समन्वय इकाइ दोलखाले जनाएको छ ।

कालिञ्चोक माध्यमिक विद्यालयमा अध्ययनरत एनोश अधिकारी, पशुपति कन्या माध्यमिक विद्यालयमा अध्ययनरत एनिशा अधिकारी, देवलिङ्गेश्वर माध्यमिक विद्यालय ओराङमा अध्ययनरत शर्मिला तामाङलाई १२ हजार रुपैयाँ छात्रवृत्ति दिइएको हो। यस्तै देवलिङ्गेश्वर माध्यमिक विद्यालय ओराङमा अध्ययनरत सबिना तामाङ, प्रविना तामाङ र हिरोन तामाङले ८ हजार रुपैयाँ छात्रवृत्ति पाएका छन् । वैदेशिक रोजगारीका क्रममा बुवा गुमाएका दुई परिवारका उनीहरुले बर्सेनि छात्रवृत्ति पाइरहेका छन्।

वैदेशिक रोजगारीका क्रममा मृत्यु, अंगभंग, अशक्त भएका कामदारका परिवारलाई वैदेशिक रोजगार बोर्डको कल्याणकारी कोषबाट शैक्षिक विकासका लागि छात्रवृत्ति उपलब्ध गराउँदै आएको छ । बोर्डले वैदेशिक रोजगार छात्रवृत्ति सञ्चालन कार्यविधि २०७१ पहिलो संशोधन २०७३ अनुसार छात्रवृत्ति प्रदान गर्ने गरेको हो।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्