९० वर्षीया वृद्धालाई बलात्कार गर्ने युवकलाई ११ वर्ष जेल

असार २५, २०७५ सोमबार १४:१३:१५ | सन्तोष थापा

पर्वत – ९० वर्षीया वृद्धालाई बलात्कार गरेको कसुरमा पर्वतको मोदी गाउँपालिका –१, भुकताङलेका २० वर्षीय युवकलाई पर्वत जिल्ला अदालतले ११ वर्षको जेल सजाय सुनाएको छ ।

भुकताङले घर भै हाल मोदी गाउँपालिका –३, देउराली बस्दै आएका शंकर परियारलाई पर्वत जिल्ला अदालतले आइतबार ११ वर्ष कैद सजायको फैसलाका साथै ३० हजार रुपैयाँ क्षतिपूर्ति भराउने फैसला गरेको हो ।

पर्वत जिल्ला अदालतका जिल्ला न्यायाधीश ध्रुवप्रसाद सापकोटाको इजलासले आरोपितलाई ११ वर्ष कैद सजाय र क्षतिपूर्ति भराउने फैसला गरेको स्रेस्तेदार दयाराम पोख्रेलले बताउनुभयो । वाक अपाङ्गतासमेत रहेकी पीडित वृद्धालाई आरोपितले गएको वैशाख ५ गते रक्सी खाएर उनकै घरमा बलात्कार गरेको अभियोग लागेको थियो ।

पर्वत जिल्ला अदालतले जेठ १ गते परियारलाई पुर्पक्षका लागि थुनामा राख्ने आदेश दिएपछि असार २४ गते आइतबारका दिन ११ वर्ष कैद सजाय र ३० हजार क्षतिपूर्तिबापत जरिवाना भराउने फैसला गरेको हो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्