भीसीटीएसविरुद्ध हेटौंडा बजार बन्द

कपडा व्यवसायीले गरे बन्दकै विराेध

साउन ७, २०७६ मंगलबार १४:६:३८ | हरि हुमागाईं

हेटौंडा - नेपाल सरकारले व्यापार व्यवसायलाई पूर्ण रुपमा करको दायरामा ल्याउन लाग्दा हेटौंडामा यसको विरोध गरिएको छ ।

मकवानपुर उद्योग वाणिज्यसंघको आयोजना मंगलबार बिहानैबाट हेटौंडा बजार बन्द गरिएको छ । सरकारले साउन १ गतेबाट लागू गरेको ‘भेहिकल एन्ड कन्साइनमेन्ट ट्र्या्किङ सिस्टम’ भीसीटीएसको विरोधमा आज हेटौंडा बजार बन्द गरेको हो जसका कारण उपभोक्ताहरु मारमा परेका छन् ।

किनमेलका लागि मकवानपुरको गाउँ गाउँ र हेटौंडाका विभिन्न स्थानबाट आएका उपभोक्ताहरु रित्तोहात घर फर्कनुपरेको छ । यो प्रणाली लागू गर्दा कुनै पनि व्यापार व्यवसायमा करछलीको समस्या हुँदैन ।

सरकारको साउन १ गतेदेखिको यो निर्णयले उद्योग व्यवसायमा काम गर्ने मजदूरले प्यान नम्बर लिनै पर्ने, साना देखि ठूला व्यवसायीहरु यसको मारमा पर्ने भएकाले बजार बन्दसम्मको विरोधमा उत्रनुपरेको मकवानपुर उद्योग वाणिज्य संघका अध्यक्ष कृष्ण कटुवालले बताउनुभयो ।

कपडा तथा तयारी पोसाक व्यवसायी संघ मकवापनुरले भने बजार बन्दको पूर्ण रुपमा विरोध गरेको छ । अहिले सरकारले ल्याएको सिस्टमका बिषयमा छलफल गर्नका लागि कार्यदल बनिसकेको अवस्थामा तत्काल बजार बन्द गर्नु नाजायज भएको कपडा तथा तयारी पोसाक व्यवसायी संघ मकवानपुरका अध्यक्ष तेजराज अधिकारीले बताउनुभयो ।

बजार बन्द गर्नुभन्दा पहिलेनै आफूहरुले विरोध गरेको उहाँको भनाइ छ । सरकारले साउन १ गतेबाट ल्याएको सिस्टमका कारण एउटै बिलबाट व्यापारीले धेरैपटक सामान ओसार्न नपाउने, सबैले करको दायरामा आउनैपर्ने, साना व्यवसायीदेखि ठूला व्यवसायीहरुलाई यो नियमले झनै सजिलो बनाएको उहाँले बताउनुभयो ।

मकवानपुर उद्योग वाणिज्य संघले साउन ६ गते हेटौंडाका व्यवसायीहरुको भेला गरेर मंगलबार बजार बन्द गर्ने वातावरण तयार गरेको हो । मकवानपुर उद्योग वाणिज्य संघले सरकारले लागू गरेको (भीसीटीएस) ले साना व्यवसायीहरु मारमा परेको भन्दै सरकारलाई दबाब दिनबजार बन्द गर्नुपरेको बताएको छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्