दोलखामा एचआईभीकाे निःशुल्क उपचार सेवा सुरु

साउन ६, २०७६ सोमबार १४:४०:५८ | उषा तामाङ

दोलखा – सदरमुकाम चरिकोटमा रहेको प्राथमिक स्वास्थ्य केन्द्र/प्रस्तावित चरिकोट अस्पतालले एचआईभी/एड्सको निःशुल्क उपचार सेवा सुरु गरेको छ ।

अस्पतालले आइतबारबाट जिल्लाबाटै एचआईभी/एड्सको निःशुल्क परीक्षण सँगै निशुल्क उपचार सुरु गरेको अस्पतालका मेडिकल डाइरेक्टर डाक्टर विनोद दंगालले जानकारी दिनुभयो । अस्पतालमा एचआईभी/एड्सको कार्यक्रम सञ्चालन भएपछि निःशुल्क उपचार सेवा दिन थालिएको अस्पतालले जनाएको छ ।

डाक्टर दंगालका अनुसार दोलखाका ७ जना एचआईभी/एड्सका बिरामीले काठमाण्डौबाट औषधि सेवन गरिरहेका छन् । समाजमा गरिने घृणा एवं लाजका कारण उनीहरु काठमाण्डौबाट नियमित उपचार सेवा लिन बाध्य छन् ।

प्रस्तावित चरिकोट अस्पतालले सुरु गरेको एचआईभी/एड्सको निःशुल्क उपचार सेवाबाट एचआईभी/एड्सका बिरामी र नयाँ प्रभावितले जिल्लाबाटै निःशुल्क रुपमा सहज उपचार सेवा प्राप्त गर्नेछन् ।

यसैगरी गएको आर्थिक वर्षमा १३ जना सर्पदंशका बिरामी उपचारका लागि अस्पताल आएपछि अस्पतालमा 'एन्टी स्नेक भेनम सेन्टर' स्थापना गरिएको छ । उक्त केन्द्रबाट सर्पले टोकेका बिरामीको छिटो, छरितो र प्रभावकारी ढंगले निशुल्क उपचार गरिने अस्पतालले जनाएको छ ।

दोलखाको भिमेश्वर नगरपालिका, वैत्यश्वर गाउँपालिकालगायतका क्षेत्रबाट सर्पदंशका बिरामी आउने गरेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्