दोलखामा ३ वर्षमा एक सयभन्दा बढी आत्महत्याका घटना

साउन ५, २०७६ आइतबार १६:१८:४८ | उषा तामाङ

दोलखा – गएका तीन वर्षमा दोलखामा एक सयभन्दा बढीले आत्महत्या गरेका छन् । आर्थिक वर्ष २०७३/०७४ देखि आर्थिक वर्ष २०७४/०७५ सम्म एक सय ४६ जनाले आत्महत्या गरेको दोलखा प्रहरीले जनाएको छ ।

आत्महत्या गर्नेमध्ये सबैभन्दा बढी ९९ जनाले झुण्डिएर आत्महत्या गरेका छन् भने ४२ जनाले विष सेवन र ५ जनाले हाम फालेर आत्महत्या गरेको जिल्ला प्रहरी कार्यालय दोलखाका प्रहरी निरीक्षक प्रदीप महतले जानकारी दिनुभयो ।

३ वर्षको अवधिमा आर्थिक वर्ष २०७५/०७६ मा ४५ जनाले आत्महत्या गरेका छन् । त्यसैगरी गएको आर्थिक वर्ष २०७४/०७५ मा सबैभन्दा बढी ६२ जनाले र २०७३/०७४ मा ३९ जनाले आत्महत्या गरेका छन् ।

गएको आर्थिक वर्षमा सबैभन्दा बढी २९ जनाले झुण्डिएर आत्महत्या गरेका छन् । त्यस्तै १२ जनाले विष सेवन र ४ जनाले हाम फालेर आत्महत्या गरेका थिए । आत्महत्या गर्नेमा महिलाभन्दा पुरुष बढी रहेका छन् ।

घरेलु हिंसा, आर्थिक समस्या, बेरोजगारी, डिप्रेशन लगायतका कारण आत्महत्या गर्नेको संख्या वृद्धि भएको प्रहरी निरीक्षक महतले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्