माथिल्लो तामाकोशीको पाइप जडानको काम सुरु

असार ११, २०७६ बुधबार १७:५१:८ | उषा तामाङ

दोलखा – माथिल्लो तामाकोशी जलविद्युत आयोजनाको तीन सय १० मिटरको ठाडो सुरुङमा पहिलो पाइप सफलतापूर्वक साफ्टमा राखिएको छ ।

आयोजनाको माथिल्लो भर्टिकल साफ्टको ठाडो सुरुङमा मंगलबार २ दशमलव ५ मिटर लम्बाइ तथा ९ टन वजन भएको पहिलो पाइप सफलतापूर्वक साफ्टमा राख्न सफल भएको आयोजनाका प्रवक्ता डा. गणेश न्यौपानेले जानकारी दिनुभयो । लट नम्बर २ का ठेकेदार कम्पनी टेक्सम्याको रेल्वे इन्जिनियरीङले पाइप राखेको हो ।

आयोजना प्रमुख दिनेशजंग राणा, मेकानिकल महाशाखा प्रमुख नारायण जैशी तिवारी र इलेक्ट्रिकल महाशाखा प्रमुख पूर्ण गोपाल रञ्जितको उपस्थितिमा कुल ३५ टन क्षमता भएको ग्रेण्टि क्रेनबाट पाइप साफ्टमा राखिएको थियो । त्यसको लागि झण्डै दुई घण्टा बढी समय लागेको थियो ।

दोलखाको बिगु गाउँपालिका-१ लामाबगरमा निर्माण भैरहेको आयोजनाको कठिन कार्य अन्तर्गत दुवै साफ्टमध्ये तल्लो ठाडो सुरुङमा असार १ गतेबाट ठेकेदार कम्पनी एण्ड्रिज हाइड्रोले पाइप राख्ने कार्य सुरु गरेको थियो ।

माथिल्लो तामाकोशी जलविद्युत आयोजनाको शाफ्टहरु खन्ने काम लट नम्बर १ को चिनिया ठेकेदार कम्पनी सिनो हाइड्रोले गरेको थियो । पाइप जडानको काम २०७२ सालको भूकम्प तथा त्यसपछिका परकम्प, नाकाबन्दी तथा लामोसाँघु जिरी सडक खण्डको स्तरोन्नति कार्यले प्रभावित भएको थियो ।

यस अघि लट नम्बर २ को हाइड्रो मेकानिकलको जिम्मा लिएको ठेकेदार कम्पनी टेक्सम्याको रेल्वे इञ्जिनियरिङले पाइप जडानको कार्यमा ढिलाइ गरेको थियो । त्यसपछि लट नम्बर २ को टेक्सम्याको रेल्वे इञ्जिनियरिङ तथा लट नम्बर ३ को एन्ड्रिज हाइड्रोबीच सहमति गराइ ३ सय ७३ मिटरको तल्लो ठाडो सुरुङमा पाइप राख्ने जिम्मा एन्ड्रिज हाइड्रोलाई दिन त्रिपक्षीय सम्झौता गराइएको थियो ।

अहिले दुवै ठेकेदार कम्पनीहरुले तल्लो तथा माथिल्लो साफ्टमा पाइप जडानको कार्य तीव्र गतिमा गरिरहेका छन् ।

आयोजनाको निर्माण आर्थिक वर्ष २०७३/०७४ भित्र सकेर विद्युत उत्पादनको लक्ष्य राखिएको थियो । भूकम्प र त्यसपछिका विभिन्न अवरोधलगायतका कारणले आयोजनाको निर्माण प्रभावित भएपछि चालु आर्थिक वर्ष २०७५/७६ को पुस महिनाभित्र निर्माण सक्ने गरी नयाँ एकीकृत समय तालिका तय गरिएको थियो ।

तर लट नम्बर २ को ठेकदार कम्पनीको कमजोर कार्यसम्पादनका कारण निर्माण प्रभावित भएपछि विसं २०७६ पुस १५ भित्र एक युनिट विद्युत उत्पादनको लक्ष्यसहित नयाँ समयतालिका तय गरेर काम भैरहेको छ । त्यसपछि हरेक महिनाको अन्तरमा बाँकी ५ युनिट विद्युत उत्पादन गरिने छ ।

उज्यालाेले तयार पारेकाे भिडियाे स्टाेरी हेेर्नुहाेस्ः

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्