ठूला अस्पतालले पनि विदेश जानेको स्वास्थ्य परीक्षण गर्ने

जेठ २७, २०७६ सोमबार १७:५२:५० | उज्यालो सहकर्मी

काठमाण्डौ – अब ठूला अस्पतालहरुले पनि वैदेशिक रोजगारीमा जानेहरुको स्वास्थ्य परीक्षण गर्ने भएका छन् ।

श्रम, रोजगार तथा सामाजिक सुरक्षा मन्त्रालयले वैदेशिक रोजगारीमा जाने कामदारको स्वास्थ्य परीक्षण गर्न ५१ वटा संस्था सूचीकृत गरेको छ । यसरी सूचीकृत हुनेमा काठमाण्डौको मनमोहन मेडिकल कलेजदेखि झापाको बी एण्ड सी मेडिकल कलेजसम्मका छन् ।

यसअघि मेडिकलमार्फत पनि स्वास्थ्य परीक्षण हुने गरेकोमा अबदेखि ठूला अस्पतालले पनि विदेश जाने कामदारको स्वास्थ्य परीक्षण गर्ने भएका हुन् ।

२०७५ चैत १३ गतेको स्वास्थ्य संस्था सूचीकरण सम्बन्धी सार्वजनिक सूचना बमोजिम निवेदन दिएका १ सय २६ स्वास्थ्य संस्थाहरुमध्ये देशभरका ५१ वटा स्वास्थ्य संस्थाहरुले मात्र वैदेशिक रोजगारीमा जाने कामदारको स्वास्थ्य परीक्षण गर्न स्वीकृति पाएका छन् ।

पर्याप्त प्रविधिको अभाव, मेशिनरी तथा जनशक्ति लगायतका मापदण्ड नपुगेका कारण निवेदन दिएका ७५ वटा स्वास्थ्य संस्थाहरु सूचीकृत भएका छैनन् ।

वैदेशिक रोजगार नियमावली, २०६४ को नियम ४५ को उपनियम ५ तथा वैदेशिक रोजगारमा जाने कामदारको स्वास्थ्य परिक्षण गर्ने स्वास्थ्य संस्था सूचीकरण, नवीकरण तथा अनुगमन सम्बन्धी कार्यविधि, २०७२ को दफा ३ को उपदफा ८ वमोजिम यी संस्थाहरु सूचीकृत भएका श्रम मन्त्रालयले जनाएको छ ।

स्वास्थ्य परीक्षणका लागि सूचिकृत भएका संस्थाहरु

स्वास्थ्य परीक्षणका लागि सूचिकृत नभएका संस्थाहरु

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्