बाघसँग लड्ने श्रीषलाई उपचारपछि गाउँमा भव्य स्वागत

जेठ २७, २०७६ सोमबार १६:३२:४७ | गोविन्द शर्मा

बाँके – खजुरा गाउँपालिका –३ धौलागिरीका दीपबहादुर श्रीष जेठ १३ गते बाघको आक्रमणमा परेर गम्भीर घाइते हुनुभयो । बाघले आक्रमण गरेपछि लामो समय बाघसँग भिडेका श्रीषको सोमबार अस्पतालबाट डिस्चार्ज भयो ।

श्रीषलाई उपचारपछि घर फर्किने क्रममा गाउँलेहरुले सोमबार बाजागाजासहित स्वागत गरेका छन् । स्थानीय बासिन्दा करिब ९ किलोमिटर टाढाबाट श्रीषको स्वागतका लागि अस्पताल पुगेका थिए ।

नेपालगञ्ज शिक्षण अस्पताल नेपालगञ्जमा दुइ साता लामो उपचारपछि घर फर्किने क्रममा श्रीषको स्वागतका लागि धौलागिरीका स्थानीय बासिन्दा बाजागाजासहित अस्पताल बाहिर पुगेका थिए ।

वडा अध्यक्ष कान्तुराम गौतमले सोमबार घरमै पुगेर श्रीषलाई आवागमनमा सहजताका लागि ह्विलचेयर प्रदान गर्नुभयो । उपचारपछि घर फिर्ता भए पनि श्रीष अझै हिड्डुल गर्न सक्नुहुन्न । बाघको आक्रमणबाट श्रीषको पाखुरा, ढाड र शरीरका अन्य विभिन्न भागमा चोट लागेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्