कोरियन भाषा परीक्षा : आठ हजार अनुपस्थित, अरुको नाममा परीक्षा दिन खोज्ने १५६ पक्राउ

 जेठ २६, २०७६ आइतबार १७:५७:३९ | उज्यालो सहकर्मी

काठमाण्डौ – कोरियन भाषा परीक्षामा अनियमित कार्य गर्ने १५६ जना पक्राउ परेका छन् । अरुको नाममा परीक्षा दिन खोज्ने १५६ जना पक्राउ परेको ईपीएस कोरिया शाखाका प्रवक्ता शोभाकरण भण्डारीले जानकारी दिनुभयो । 

यस्तै भाषा परीक्षाका लागि आवेदन दिएकामध्ये ८ हजार १ सय ४१ जना परीक्षार्थी अनुपस्थित भएका छन् । ९२ हजार ३ सय ५६ जनाले आवेदन दिएकोमा ८४ हजार २ सय १५ जना मात्रै परीक्षामा उपस्थित भएका हुन् । 

हिजो शनिबार र आज आइतबार दशौं कोरियन भाषा परीक्षा भएको हो । भाषा परीक्षाको नतिजा असार १३ गते सार्वजनिक गरिने ईपीएस कोरिया शाखाले जनाएको छ ।

भाषा परीक्षामा उत्तीर्ण भएका परीक्षार्थीको दोस्रो चरणमा सीप परीक्षण हुने छ । सीप परीक्षणमा उत्तीर्ण हुनेले मात्र कोरियाको रोजगारीका लागि आवेदन दिन पाउनेछन् । 

यस वर्ष कृषिमा ३ हजार र उत्पादनमुलक क्षेत्रमा ७ हजार ५० जना परीक्षार्थी गरी जम्मा १० हजार ५ सय परीक्षार्थी भाषा परीक्षामा छनोट हुनेछन् । त्यसमध्येबाट सीप परीक्षणमा कति छनोट गर्ने भन्नेबारे टुंगो लाग्न बाँकी रहेको  शाखाका प्रवक्ता भण्डारीले बताउनुभयो । 

आउँदो असार १३ गते नतिजा प्रकाशन गर्ने र त्यही बेला नै दोस्रो चरणको सीप परीक्षणको परीक्षा कहाँ र कसरी हुने भन्ने जानकारी दिइने उहाँको भनाई छ । भाषा परीक्षा र सीप परीक्षणमा पास हुने परीक्षार्थी रोजगार आवेदन दिनका लागि योग्य हुनेछन् ।

रोजगारीका लागि एक सम्भावित व्यक्ति भए पनि कोरियाका रोजगारदाताको छनोटमा पर्नेले मात्र रोजगारीको अवसर प्राप्त गर्नेछन् । परीक्षामा पास हुँदैमा कोरियाको रोजगारी ग्यारेण्टी भयो भनेर ढुक्क नहुन प्रवक्ता भण्डारीले सबै परीक्षार्थीलाई आग्रह गर्नुभएको छ । 

अन्तिम अपडेट: मंसिर १७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

इजरायलले सिरियाका १५ वटा नौसैनिक जहाज माथि आक्रमण गर्‍यो

२

आजदेखि पुस ५ गतेसम्म काठमाण्डौका विभिन्न ठाउँमा दैनिक चार घन्टा विद्युत अवरूद्ध हुने

३

अमेरिकाले रुसबाट जफत सम्पत्तिको नाफाबाट युक्रेनलाई २० अर्ब डलर दियो

४

सूचना आयोगका प्रमुख आयुक्त आचार्यद्वारा शपथ ग्रहण

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई