युद्धग्रस्त देश लिबियामा अलपत्र परेका १५ नेपालीकाे उद्दार

जेठ ६, २०७६ सोमबार १०:२९:४६ | उज्यालो सहकर्मी

काठमाण्डाै - इटली लैजाने प्रलाेभन देखाउँदै अवैध मार्गबाट युद्धग्रस्त देश लिबिया पुर्‍याइएका १५ जना नेपालीको ट्रिपोलीबाट उद्धार गरिएको छ ।

डर त्रास देखाएर काममा लगाएको र नेपाल फर्कन खोज्दा राहदानी नदिएका कामदारहरूलाई दूतावासकाे पहलमा उद्धार गरेर अन्तर्राष्ट्रिय आप्रवासन संगठन (आईओएम) मा राखिएको कायरोस्थित नेपाली दूतावासले जनाएको छ ।

नेपाली एजेण्टहरुबाटै गएका उनीहरुलाई एजेण्टले लिबियामा पुर्‍याएपछि अलपत्र पारेर छाडेकाे थियाे ।

पूर्णबहादुर गुरुङ, गणेश थापा मगर, अमृत गुरुङ, भुवन आचार्य, सनम विश्वकर्मा, बुद्धिबहादुर क्षेत्री अधिकारी, कृष्ण कोइराला, राजु विश्वकर्मा, गुप्तबहादुर विक, राजु विष्ट, शेखर खरेल, जयराम धामी, प्रकाश विश्वकर्मा, अजयकुमार चौधरी र मनोहर कार्कीकाे उद्दार गरेर अन्तर्राष्ट्रिय आप्रवासन संगठन (आइओएम) राखिएकाे दूतावासले जनाएकाे छ ।

दूतावासका अनुसार, सबै कामदारलाई नेपाल फर्कने हवाई टिकट समेत शरण दिइरहेको आइओएमले नै मिलाइदिने व्यवस्था गरेकाे छ ।

एक साताअघि पनि दूतावासले सात जनालाई लिबियाबाट उद्धार गरेर नेपाल पठाएको थियो ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्