कानुन नमान्ने र सरकारलाई नटेर्ने म्यानपावर कम्पनीलाई कारबाही हुन्छ : विभाग

वैशाख ३१, २०७६ मंगलबार १२:१२:१२ | उज्यालो सहकर्मी

काठमाण्डौ – वैदेशिक रोजगार विभागको टोलीले सोमबार तीन म्यानपावर कम्पनीमा अनुगमन गरेको छ ।

पुरानै संरचनाबाट कामदार मलेसिया पठाउने प्रक्रिया अघि बढाएको सूचनाको आधारमा जुपिटर ओभरसिज प्रालि, स्काई अफ दी वल्र्ड र ट्रष्ट नेपाल ओभरसिज प्रालिमा अनुगमन गरिएको विभागका महानिर्देशक डा. भिष्मकुमार भुषालले बताउनुभयो ।

नयाँ कामदार मलेसिया पठाउने विषयमा स्वास्थ्य परीक्षणको कुरा अझै टुङ्गो नलागेको भए पनि म्यानपावर कम्पनीमा पासपोर्ट संकलन गरेर राख्न थालेको भेटिएको उहाँले बताउनुभयो ।

‘नियम अनुसार त कामदार लैजाँदा रोजगारदाताले नै सबै सेवा शुल्क बुझाउनु पर्ने हुन्छ, तर हिसाबकिताबको प्रमाण माग्दा दुई म्यानपावरले देखाउन सकेनन्,’ भुषालले भन्नुभयो, ‘कानुन नमान्ने र सरकारलाई नटेर्ने गर्न पाईंदैन, त्यस्तो गर्ने सबैलाई कारबाही हुन्छ ।’

रोजगारीका क्रममा कामदारलाई समस्या पार्ने, ठगी गर्ने कोही पनि म्यानपावरलाई छुट नहुने उहाँको बताउनुभयो ।

महानिर्देशक भुषालले म्यानपावर कम्पनीको अनुगमनको कार्यविधि बनाएर स्वीकृतिका लागि मन्त्रालयमा पेश गरिसकेको र अब त्यसकै आधारमा नतिजामुखी अनुगमनलाई जोड दिने पनि बताउनुभयो ।

म्यानपावर कम्पनी अनुगमनबारे अहिलेसम्म कुनै कार्यविधि नबनेको र अब नयाँ कार्यबिधि पास भएसँगै यसलाई निरन्तरता दिने बिभागको तयारी छ ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्