मलेसिया जाने कामदारको स्वास्थ्य परीक्षण गर्न इच्छुक संस्थाको आजदेखि स्थलगत अनुगमन

वैशाख १०, २०७६ मंगलबार १०:३४:४५ | उज्यालो सहकर्मी

काठमाण्डौ – मलेसिया जाने कामदारको स्वास्थ्य परीक्षणको लागि सूचीकरण हुन निवेदन दिएका स्वास्थ्य संस्थाहरुको आज मंगलबारदेखि स्थलगत अनुगमन सुरु भएको छ ।

श्रम, रोजगार तथा सामाजिक सुरक्षा मन्त्रालयले आजदेखि ती संस्थाको अनुगमन तथा निरीक्षण हुने जनाएको छ । सूचीकरण हुनको लागि निवेदन दिएका स्वास्थ्य संस्थाहरुको मलेसियाबाट प्राप्त मापदण्ड पुगे/नपुगेकोबारे स्थलगत निरीक्षण हुनेछ ।

काठमाण्डौ उपत्यका र उपत्यका बाहिर निरीक्षणको लागि प्राविधिक समूह खटिइसकेको पनि मन्त्रालयले जनाएको छ । वैदेशिक रोजगारीमा मलेसिया जाने कामदारको स्वास्थ्य परीक्षणमा सूचीकृत हुन २९० स्वास्थ्य संस्थाले आवेदन दिएका छन् ।

सूचीकरणका लागि आएको निवेदनका आधारमा स्वास्थ्य मन्त्रालयको विशेषज्ञ टोलीले मापदण्ड पुगे, नपुगेको निरीक्षण गरेपछि गर्ने सिफारिसका आधारमा स्वास्थ्य संस्था छनोट गरिने मन्त्रालयले जनाएको छ ।

यसअघि मन्त्रालयले वैदेशिक रोजगारीमा जाने कामदारको स्वास्थ्य परीक्षणका लागि सूचीकृत भएका अरु स्वास्थ्य संस्थाको पनि अनुगमन थालेको छ ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्