पालिका उपचुनाव : केही ठाउँमा आजै मतगणनाको तयारी, पर्सि बिह...
मंसिर १६, २०८१ आइतबार
‘ओहो ! मेस्सीले पो बनाइदिएको याे स्वास्थ्य चाैकी ?’
लियाेनल मेस्सीकाे अार्थिक सहयाेगमा युनिसेफले बनाएकाे गाेर्खाकाे स्वास्थ्य चाैकी
गोरखा - आँबुखैरेनी-गोरखा सडकखण्डको मझुवाबाट ७ किलोमिटर कच्चीबाटो उक्लेपछि पुगिन्छ, देउरालीको हटिया गाऊँ ।
गाउँको लगभग बीच भागमा हालसालै बनेको सेतो रङको स्वास्थ्य चौकी भवन प्रस्टै देखिन्छ ।
गोरखा नगरपालिका १४ को देउराली स्वास्थ्य चौकीको ६ कोठे भवनको एउटा भित्तोमा भवन निर्माणको तिथिमिति सहित निर्माणका साझेदारहरुको नाम र लोगो छ ।
नेपाल सरकार स्वास्थ्य मन्त्रालय र युनिसेफको लोगोको बीचमा खासै नसुनिएको एउटा संस्थाको नाम र लोगो छ ।
‘धेरैले भित्ताको शिलालेख नै हेर्दैनन्, जसले हेर्छ, उनीहरु अचम्म मान्दै सोध्छन्, ओहो, मेस्सीले पो बनाइदिएको ?’ स्वास्थ्य चौकी इन्चार्ज हरिमानसिं बस्नेत भन्नुहुन्छ, ‘धेरैलाई युनिसेफले बनाइदिएको भन्ने थाहा छ, तर मेस्सीको पैसा भन्ने चाहिँ थाहा छैन ।’
अर्जेन्टिनी फुटबलर लियोनेल मेस्सीको नाम नसुन्ने नेपाली फुटबलप्रेमी शायदै होलान् ।
झन् विश्वकप फुटबल चलिरहेको यो बेला उनको चर्चा चुलिनु स्वाभाविकै भैहाल्यो । फुटबलप्रेमीका लागि उनको नाम नौलो होइन ।
तर भूकम्पले क्षति पुर्याएका नेपालका ८ जिल्लाका १४ स्वास्थ्य चौकी भवन निर्माणमा उनै मेस्सीको कमाईको अंश खर्च भएको भन्ने चाहिँ धेरैलाई थाहा नहुन सक्छ ।
मेस्सीले नेपाललाई सिधै सहयोग रकम पठाएका भने होइनन् ।
उनले परोपकारी काम गर्नका लागि स्थापना गरेको द लियो मेस्सी फाउण्डशेनले युनिसेफ मार्फत स्वास्थ्य चौकी भवन निर्माण गरेको हो ।
युनिसेफले भूकम्प प्रभावित जिल्लाहरुमा बनाएका कूल ७४ स्वास्थ्य चौकीमध्ये १४ वटाको भवन बनाउन मेस्सी फाउण्डेशनको पैसा खर्च भएको छ ।
युनिसेफको नेपालमा रहेको कार्यालयका एक कर्मचारीले भने, ‘त्योे फाउण्डेशनले झण्डै ५ लाख अमेरिकी डलर पठाएको थियो ।’
मेस्सीले फुटबल खेलेर कमाएको पैसा परोपकारी काममा खर्च गर्नकै लागि भनेर आफ्नो नाममा फाउण्डेशन स्थापना गरेका यसअघि नै अन्तर्राष्ट्रिय सञ्चारमाध्यमले बताउँदै आएका थिए ।
भूकम्पले भत्किएका संरचना पुनर्निर्माणका लागि फाउण्डशेनले झण्डै ५ करोड नेपाली रुपैयाँ सहयोग गरेको हो ।
मेस्सीको नाममा स्थापित परोपकारी संस्थाले गोरखा, धादिङ र काभ्रेमा २-२, दोलखामा ४ तथा नुवाकोट, रामेछाप, ललितपुर र सोलुखुम्बुमा १-१ वटा स्वास्थ्य चौकी भवन बनाएका छन् ।
गोरखा – दर्बुङ र मझुवा देउराली स्वास्थ्य चौकी
धादिङ – सल्यान्टार र नलाङ स्वास्थ्य चौकी
काभ्रे – गैरि बिसौनी देउपुर र देवभूमी स्वास्थ्य चौकी
दोलखा – लादूक, सुनखानी, दोलखा र पावती
नुवाकोट – वागेश्वरी
रामेछाप – ओख्रेनी
सोलुखुम्बु – फाप्लु
ललितपुर – दलचोकी
यी सबै स्वास्थ्य चौकीको भवन निर्माण पूरा भैसकेको युनिसेफले जनाएको छ । एउटा स्वास्थ्य चौकी सरदर ६० लाख रुपैयामा निर्माण भएको हो ।
स्वास्थ्य चौकी भवन निर्माणसँगै मेस्सी फाउण्डेशनले स्वास्थ्य चौकीमा फर्निचर र केही उपकरण खरिदमा पनि सहयोग गरेको छ ।
निर्माण पूरा भएका स्वास्थ्य चौकीमध्ये केहीको उद्घाटनका लागि मेस्सीलाई नै बोलाउने प्रयास थियो ।
तर क्लब फुटबलमा व्यस्त रहेकाले उनी नेपाल आउन नसकेको युनिसेफका एक कर्मचारीले बताए ।
छोरा नभ्याउने भएपछि मेस्सीका बुबा जर्ज मेस्सीले नेपाल आउने चाहना राखेका युनिसेफका अधिकारीहरु बताउँछन् ।
तर विभिन्न कारणले गर्दा जर्ज पनि आउन पाएनन् । फाउण्डेशनका कामहरु जर्जले नै हेर्दै आएका युनिसेफका अधिकारीहरुले बताएका छन् ।
तर मेस्सीले नेपालमा स्वास्थ्य चौकी भवन निर्माणका विषयमा चासो राख्ने गरेको पाइन्छ । उनले २०१७ मार्च २२ मा फेसबुक पेजमा स्टाटस लेख्दै स्वास्थ्य चौकी भवन निर्माणबारे चर्चा गरेका छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
किरण लोहनी
उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ । 
4 Comments
समाचार
-
-
पालिका उपचुनाव : ६२ प्रतिशतभन्दा धेरै मत खस्याे
मंसिर १६, २०८१ आइतबार
-
काेशीका तत्कालीन मन्त्री अधिकारीलाई मुद्दा नचलाउने निर्णयविरुद्...
मंसिर १६, २०८१ आइतबार
-
यू–१९ एशिया कप : नेपाल लगातार दाेस्राे खेलमा पराजित
मंसिर १६, २०८१ आइतबार
-
नागढुङ्गा सुरुङमार्ग निर्माणको काम आठ दिनदेखि अवरुद्ध
मंसिर १६, २०८१ आइतबार
-
नेप्से झन्डै १० अङ्कले घट्याे, विशाल बजार र ४ वटा विकास बैंकक...
मंसिर १६, २०८१ आइतबार
-
अमेरिकाले ताइवानलाई हतियार बेच्ने प्रस्ताव स्वीकृत गरेकोमा ची...
मंसिर १६, २०८१ आइतबार
-
पालिका उपचुनाव : दिउँसाे २ बजेसम्म ५० प्रतिशत मतदान
मंसिर १६, २०८१ आइतबार
-
यू–१९ एशिया कप : नेपालले बङ्गलादेशलाई दियाे १ सय ४२ रनकाे ...
मंसिर १६, २०८१ आइतबार
-
नोभेम्बरमा एक लाख १४ हजार जनाभन्दा धेरै पर्यटक नेपाल आए, पोह...
मंसिर १६, २०८१ आइतबार
-
४ सय केभी बाह्रबिसे सबस्टेशनकाे निर्माण धमाधम, आउँदो जेठसम्म ...
मंसिर १६, २०८१ आइतबार
-
रोल्पामा ढिस्कोले पुरिएर एउटै गाउँका ५ जनाको ज्यान गयो
मंसिर १६, २०८१ आइतबार
-
नेत्रहीन टी–२० विश्वकप : नेपाललाई हराउँदै पाकिस्तान फाइनलमा
मंसिर १६, २०८१ आइतबार
-
पूर्वी नवलपरासीको धौवादी डाँडाको वायु उर्जा केन्द्रमा उत्पादन ठप्प
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Yogesh
July 30, 2018, 10:47 a.m.Proud to be your fan leo😍😍
Dhan Bahadur Saud
July 3, 2018, 10:41 a.m.Great job.thanks Leo Messi
भरत श्रेष्ठ
June 30, 2018, 11:17 a.m.यो जानकारी सहि हो कि गलत हो ! बिस्वास मान्नु पर्ने कारण के हो ।।गलत समाचार नि भन्दैछन साचो कसरी मान्ने हामिले
RajendraChand
June 29, 2018, 8:55 p.m.Paropakari karyama manaviya vittiya sahayog garidinu vayakoma dhanyavad vyakta gardaxu