काभ्रेमा प्रहरी र विप्लव कार्यकर्ताबीच गोली हानाहान

चैत ६, २०७५ बुधबार ८:१८:४८ | कपिल कोइराला

काभ्रे – काभ्रेको रोशी गाउँपालिका २ खहरेपाँगुको काफलडाँडामा प्रहरी र विप्लव नेतृत्वको नेकपा कार्यकर्ताबीच गोली हानाहान भएको छ । चन्द नेतृत्वको नेकपाका कार्यकर्तालाई पक्राउ गर्न खोज्दा उनीहरुले गाेली चलाएपछि र प्रहरीले पनि जवाफी फायरिङ गरेकाे बुझिएको छ । गोली हानाहान हुँदा के कति क्षति भयो भन्ने जानकारी आएको छैन ।

विप्लव समूहका नेता तथा कार्यकर्ता त्यहाँ छन् भन्ने सूचनाको आधारमा महानगरीय प्रहरी अपराध महाशाखा टोली मंगलबार साँझ त्यहाँ पुगेको थियो । जिल्ला प्रहरी कार्यालयलाई समेत थाहा नदिई आएको टोली कार्वाही गरेर फर्किएको जिल्ला प्रहरी कार्यालय स्रोतले जानकारी दिएको छ । जिल्ला प्रहरी प्रमुख एसपी रविराज खड्काले घटनाबारे थप जानकारी लिन जिल्ला पहरी कार्यालयको टोली घटनास्थलमा पठाइएको जानकारी दिनुभयो ।

महाशाखाका अनुसार नेकपाको गतिविधिबारे सूचना आएपछि महाशाखाका एसपी सोमेन्द्र राठौर र डीएसपी रुगम कुँवर नेतृत्वको टोली खहरेपाँगु पुगेको थियो ।

देशमा हिंसात्मक गतिविधि बढाएको भन्दै गएको फागुन २८ गते चन्द समूहका गतिविधिमा प्रतिबन्ध लगाउने सरकारले निर्णय गरेको थियो । निर्णयको पालना गर्दै प्रहरी त्यस ठाउँमा पुगेको प्रहरी स्रोतको भनाई छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्