औषधि भन्दै खानामा जडिबुटी मिसाएर खाएपछि एककाे मृत्यु, पाँच बिरामी

फागुन २८, २०७५ मंगलबार २०:२८:२० | सन्ताेष रुचाल

धनकुटा – औषधि भन्दै खानामा जडिबुटी मिसाएर खाना खाएपछि बिरामी परेका धनकुटा नगरपालिका–९, बेलहाराका माधव प्रधानको मृत्यु भएको छ ।

सोमबार बेलुकी खानामा जडिबुटी मिलाएर खाएर सुतेका प्रधान राति बिरामी भएपछि मंगलबार बिहान उपचारका लागि धनकुटा अस्पताल लगिएको थियो । धनकुटा अस्पतालमा उपचार हुन नसकेपछि थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठानमा लैजाँदै गर्दा बाटोमा नै मृत्यु भएको जिल्ला प्रहरी कार्यालय धनकुटाका एसपी सुरेन्द्रबहादुर गुरुङले बताउनुभयो । ६२ वर्षीय प्रधान बेलुकीको खाना खाएर सुत्नु भएको थियो । प्रधानसँगै परिवारका अन्य ५ जनालाई नै रिंगटा लाग्ने वान्ता आउन थालेपछि छिमेकीको सहयोगमा अहिले धरानस्थित बीपी कोइराला विज्ञान प्रतिष्ठानमा उपचार भैरहेको छ ।

प्रधानको परिवारका बिरामी परेका थप ५ जना धरानस्थित बीपी कोइराला स्वास्थ्य विज्ञान प्रतिष्ठान उपचार भइरहेको एसपी गुरुङले जानकारी दिनुभयो । मृतक प्रधानले ताप्लेजुङको पाथिभारा मन्दिर दर्शन गर्न जाँदा गएको मंसिरमा जिउ नदुख्ने औषधि भनेर मन्दिर छेउमा बेच्न राखिएको जडिबुटी किनेर ल्याउनु भएको थियो ।

सोमबार घरमा पूजाआजा सकेपछि जडिबुटी पकाएर खानासँग खाएपछि उनीहरुलाई रिंगटा लाग्ने, वान्ता आउने समस्या सुरु भएको थियो । जडिबुटीलाई बेलुकाको खानामा मिसाएर खाने सल्लाह अनुसार जडिबुटी मिसाएको खाना सबै परिवारले खाएपछि बिरामी परेको पारिवारिक स्रोतको बताएको छ ।

बिरामी हुनेमा मृतक प्रधानकी ६१ वर्षीया श्रीमती नरमाया प्रधान, ३७ वर्षीया छोरी सिमा प्रधान, ३१ वर्षीया छोरी कविता प्रधान, ३१ वर्षीय ज्वाइँ दिपक प्रधान र नाति ११ वर्षीय कुशल प्रधान रहेको एसपी गुरुङले बताउनुभयो । जडिबुटी विषाक्त भएकाले परिवार नै बिरामी परेको हुन सक्ने भएपछि प्रहरीले घटनाको अनुसन्धान गरिरहेको छ ।

मृतक स्वयम्ले जडिबुटी ताप्लेजुङबाट खरिद गरी ल्याएकाले कोबाट कसरी किनेको भन्ने खुल्न नसकेको प्रहरीले बताएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्