नेपाली नियोगबाटै पुनः श्रम स्वीकृति दिने सम्बन्धमा बनेकोे विधेयक प्रमाणिकरण

 फागुन २१, २०७५ मंगलबार १७:५८:५ | उज्यालो सहकर्मी

काठमाण्डौ – राष्ट्रपति विद्यादेवी भण्डारीले केही नेपाल ऐन संशोधन विधेयक २०७५ प्रमाणिकरण गर्नुभएको छ ।

राष्ट्रपति भण्डारीले गएको आइतबार केही नेपाल ऐनलाई संशोधन गर्न बनेको विधेयक, २०७५ र नेपालको संविधान अनुकूल बनाउन केही नेपाल ऐनलाई संशोधन गर्न बनेको विधेयक २०७५ प्रमाणिकरण गर्नुभएको राष्ट्रपति कार्यालयले जनाएको छ ।

केही नेपाल ऐन संशोधन विधेयकमा विदेशस्थित नेपाली नियोगबाटै पुनः श्रम स्वीकृति दिने, वैदेशिक रोजगार व्यवसायीको धरौटी र बैंक ग्यारेन्टी वृद्धि गर्ने लगायत प्रावधान रहेका छन् । 

अहिले वैदेशिक रोजगार कम्पनीले ७ लाख नगद र २३ लाख बैंक ग्यारेन्टी गरी ३० लाख धरौटी राख्नुपर्ने व्यवस्था छ । संशोधित ऐनमा वार्षिक सय जनाभन्दा कम कामदार वैदेशिक रोजगारीमा पठाउने म्यानपावर कम्पनी बन्द गर्न सक्ने व्यवस्था राखिएको छ । 

तर संशोधित वैदेशिक रोजगार ऐनमा वार्षिक ३ हजारभन्दा कम कामदार पठाउने रोजगार व्यवसायीले ५० लाख नगद र एक करोड ५० लाख रुपैयाँ बैंक ग्यारेन्टी गरी २ करोड बुझाउनु पर्नेछ ।

वार्षिक ३ हजारदेखि ५ हजारसम्म कामदार पठाउन चाहने कम्पनीले एक करोड नगद र ३ करोड बैंक ग्यारेन्टी गरी ४ करोड बुझाउनु पर्ने प्रवधान छ ।

त्यस्तै एक वर्षमा ५ हजारभन्दा बढी कामदार पठाउन चाहने कम्पनीले २ करोड नगद र ४ करोड बैंक ग्यारेन्टी गरी ६ करोड धरौटी राख्नुपर्ने व्यवस्था छ ।

विधेयकको दफा १ को उपदफा २ मा नै यो ऐन तुरुन्त लागू हुनेछ भन्ने व्यवस्था भएकाले संशोधित व्यवस्था राजपत्रमा सूचना सार्वजनिक भएको दिनदेखि लागू हुनेछ ।
 

अन्तिम अपडेट: मंसिर १७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

आजदेखि पुस ५ गतेसम्म काठमाण्डौका विभिन्न ठाउँमा दैनिक चार घन्टा विद्युत अवरूद्ध हुने

२

इजरायलले सिरियाका १५ वटा नौसैनिक जहाज माथि आक्रमण गर्‍यो

३

अमेरिकाले रुसबाट जफत सम्पत्तिको नाफाबाट युक्रेनलाई २० अर्ब डलर दियो

४

सूचना आयोगका प्रमुख आयुक्त आचार्यद्वारा शपथ ग्रहण

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई