मलेसियाकाे एक कम्पनीले तलब नदिएपछि कामदार हडतालमा

माघ १५, २०७५ मंगलबार १०:५९:५२ | उज्यालो सहकर्मी

सुनाखरी मगर/मलेसिया ।

मलेसिया – तलब नपाएको भन्दै मलेसियाको डब्लु आर पी एसिया प्यासिफिक ग्लोभ कम्पनीमा कार्यरत नेपालीसहित विभिन्न देशका श्रमिकले काम छाडेर हडताल गरेका छन् ।

दुई महिनादेखि कम्पनीले तलब नदिएकाले काम छाडेर हडताल गरेको कम्पनीमा कार्यरत ललित तामाङले बताउनुभयो ।

मलेसियाको सेलंगरमा रहेको डब्लु आर पी एसिया प्यासिफिक ग्लोभ कम्पनीले तीन महिनामा बल्ल एक महिनाको तलब दिएको र बाँकी तलब माग्दा आनाकानी गर्दै नदिएपछि काम छाडेर हडतालमा उत्रनु परेको पीडित ललितको भनाई छ ।

‘हामीले आफूले गरेको कामको मूल्य मागेका हौं, दिन्छु भन्दै काम लगाउने तर पैसा नदिने गरेपछि हामी बाध्य भएर हडतालमा उत्रिएका हौं,’ ललितले भन्नुभयो ।

तलब नपाएर हडतालमा उत्रिनु पर्ने अवस्थामा पुग्दा पनि नेपाली दूतावासले बेवास्ता गरेको पीडितको गुनासो छ ।

तर पीडित कामदार कसैले पनि दूतावासमा सम्पर्क नगरेकाे मलेसियाका लागि कार्यवाहक राजदूत कुमारराज खरेलले बताउनुभयो । पीडितले निवेदन दिएको खण्डमा कम्पनीलाई आवश्यक कारबाही गर्ने उहाँले स्पष्ट पार्नुभयो ।

कम्पनीले हातमा लगाउने पञ्जा उत्पादन गर्छ । पछिल्लो समय यो कम्पनी नेपाल सरकारले कालो सूचीमा राखेको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्