युएईका अवैधानिक कामदार जरिवाना नतिरी स्वदेश फर्किन पाउने

असार ५, २०७५ मंगलबार १८:४०:१४ | उज्यालो सहकर्मी

युएई – अवैधानिक रुपमा युएईमा बसिरहेका विदेशी नागरिकले वैधानिक बन्न पाउने भएका छन् ।

युएईको मन्त्रीपरिषदका निर्णयका अनुसार युएईले गैरकानुनी रुपमा रहेका विदेशी नागरिकले तोकिएको शुल्क तिरेर वैधानिक बन्न पाउने र स्वदेश फर्किन चाहनेलाई सहजै फर्किन पाउने अवसर दिने भएको हो ।

स्वेच्छाले स्वदेश फर्किदा गैरकानुनी रुपमा युएईमा बस्दा वापतको कुनै शुल्क तिर्न नपर्ने र कुनै सजाय पनि भोग्न पर्ने छैन । तर देश फर्किने आधिकारिक टिकट भने देखाउन पर्नेछ ।

‘प्रोटेक्ट योरसेल्फ, भिसा रेक्टिफाइङ योर स्ट्याटस’ कार्यक्रम अर्को हप्तासम्ममा ल्याएर यो अवसर प्रदान गर्ने युएईले जनाएको छ । गएको हप्ता युएईको मन्त्री परिषदले श्रम नियममा भएको सुधारलाई अनुमोदन गरेको थियो ।

जसअन्तर्गत, युएईमा भिसा अवधि भन्दा धेरै बसेकाहरुले काम खोज्नका लागि ६ महिनाको समय पाउने, स्वेच्छाले स्वदेश फर्किन चाहेमा युएईले ‘नो इन्ट्री छाप’ बिना नै स्वदेश फर्कने अवसर दिने, ४८ घण्टासम्मको ट्रान्जिट भिसामा शुल्क नलाग्ने जस्ता कुरा समावेश थिए ।

यसअघि युएईले सन् २०१३ मा पनि गरैकानुनी रुपमा बस्ने विदेशी नागरिकलाई दुई महिनाको आममाफी दिएको थियो । त्यतिबेला दुई महिनाको अवधिमा लगभग ६२ हजार जनाले फाइदा लिएको गल्फ न्युजले जनाएको छ ।

याे पनि पढ्नुहाेस्
युएईले गर्‍यो श्रम नियममा सुधार : ओभरस्टे बस्नेलाई फाइदा

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्