विदेशी कामदार भर्ती गर्न कतारले कम्पनी खोल्यो, तालिम पनि दिने

पुष २२, २०७५ आइतबार १६:३:४८ | उज्यालो सहकर्मी

काठमाडौं – कतार सरकारले कामदार भर्ती गर्ने कम्पनी ‘वाइजा’ खोलेको छ । यो कम्पनी मार्फत कतारले विदेशी कामदार भर्ती गर्ने र रोजगारदातालाई कामदार उपलब्ध गराउने छ ।

कतार सरकारले स्थापना गरेको वाइजा कम्पनीले विदेशी कामदारको भर्तीसँगै तालिम दिने, कतारका विभिन्न रोजगारदातासम्म कामदार पठाउने र पुनर्वास कार्यक्रम सञ्चालन गर्नेछ ।

रोजगारदाताको चहाना अनुसार वाइजाले दक्ष घरेलु कामदार उपलब्ध गराउने बताएको छ । वाइजाले अस्थायी रुपमा रोजगारदातालाई घरेलु कामदार उपलब्ध गराउने छ ।

छिट्टै देशभित्र र बाहिर वाइजाका शाखा पनि खुल्ने कतारले जनाएको छ । घरेलु कामदारलाई पनि विभिन्न कार्यक्रम मार्फत तालिम दिने र दक्ष बनाएर मात्रै काममा पठाउने छ ।

वाइजालले तालिममार्फत कामदारलाई आधारभूत प्राविधिक ज्ञान, पेसागत सुरक्षा र आवश्यक सूचना दिइने कम्पनिका कार्यकारी निर्देशक हुसेन अली अल हाबाबीले बताउनुभएको छ ।

कतारी उद्योग तथा व्यापार मन्त्री अली विन अहमिद अल कुवारीको निर्णयमा पुस १८ देखि सञ्चालनमा आएको यो कम्पनीको ५८ मिलियन रियाल पुँजी छ । कतारी नागरिकको मात्रै लगानी रहेको वाइजामा नियन्त्रण र व्यवस्थापन भने कतार सरकारको नै हुनेछ । यो कम्पनीले दर्ता भएको मितिदेखि ५० वर्षसम्म काम गर्नेछ ।

कतारका अरु कामदार भर्ती गर्ने कम्पनीले वाइजाको भूमिकाबारे प्रश्न गर्दै सरकारी कम्पनीसँग आफूहरुले प्रतिस्पर्धा नगर्ने बताएका छन् । तर आफ्नो देशमा विदेशी कामदारको भर्ती गर्न समन्वय गरेर अघि बढ्ने उनीहरुको भनाई छ ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्