दिल्लीमा सेन्सर बिग्रिएका कारण तापक्रम ५२ डिग्रीभन्दा धेरै देखाएको पाइयाे

जेठ २०, २०८१ आइतबार १५:१७:२८ | एजेन्सी

भारतको राजधानी नयाँ दिल्लीमा अघिल्लो हप्ता ५२ दशमलव ९ डिग्री सेल्सियस तापक्रम नपुगेको पुष्टि भएको छ ।

अघिल्लो हप्ता नयाँ दिल्लीकाे मुङ्गेशपुरको मौसम स्टेशनले तापक्रम ५२ दशमलव ९ डिग्री सेल्सियस पुगेको देखाएपछि भारत मात्र नभई संसारभरको ध्यान तानिएको थियो । त्यसपछि भारतीय मौसम विज्ञान विभागले गरेको अनुसन्धानले सेन्सरको त्रुटिका कारण तापक्रम ३ डिग्री सेल्सियसले बढी देखाएको पाइएको जनाएको रोयटर्सले जनाएको छ ।

विज्ञान मन्त्री किरेन रिजिजुले मुङ्गेशपुरको मौसम स्टेशनको सेन्सरको त्रुटिका कारण सही तथ्याङ्क नआएको र ३ डिग्री सेल्सियस धेरै देखिएको बताउनुभएको छ ।

गएकाे बुधवार मुङ्गेशपुरको तापक्रम ४९ डिग्री सेल्यिसभन्दा धेरै रहेको भारतीय मौसम विज्ञान विभाग (आईएमडी) ले जनाएको छ । तर दिल्लीको तापक्रको रेकर्ड भने गएको बुधवार नै तोडिएको थियो । त्यो दिन दिल्लीको एउटा स्टेशनले ४९ र अर्कोले ४९ दशमलव १ डिग्री तापक्रम मापन गरेका छन् । याे तथ्याङ्क सही भएको विभागले जनाएको छ ।

नयाँ दिल्लीमा यसअघि रेकर्ड गरिएको सबैभन्दा उच्च तापक्रम सन् १९९८ को मे ९ तारिखमा ४८ दशमलव ४ डिग्री सेल्सियस थियो ।

केही दिनदेखि भारतका केही भागमा गर्मीले रेकर्ड तोडिरहेको छ । गर्मीकै कारण अस्ति उत्तर प्रदेश, बिहार र पूर्व ओडिशामा निर्वाचन अधिकारीहरूसहित कम्तीमा ३३ जनाको ज्यान गएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दिल्लीमा सेन्सर बिग्रिएका कारण तापक्रम ५२ डिग्रीभन्दा धेरै देखाएको पाइयाे

फाइल फाेटाे

तपाईको प्रतिक्रिया