२४ वर्षपछि फ्रान्सका राष्ट्रपति जर्मनीको राजकीय भ्रमणमा

जेठ १३, २०८१ आइतबार १८:२७:३२ | एजेन्सी

फ्रान्सका राष्ट्रपति इम्यानुएल म्याक्रोन तीन दिने राजकीय भ्रमणका लागि जर्मनी पुग्नुभएको छ । २४ वर्षदेखि फ्रान्सका राष्ट्रपतिले जर्मनीको भ्रमण नगरेकोमा अहिले म्याक्रोनको राजकीय भ्रमणलाई युरोप मात्रै नभई संसारका धेरै देशले महत्वका साथ हेरेका रोयटर्सले जनाएको छ ।

आउँदो महिना हुने युरोपेली संघको संसदीय चुनावअघि युरोपेली संघका दुई ठूला देशबीचको यो भ्रमणको ठूलै महत्व रहेको खबरमा उल्लेख छ । इजरायलले गाजामा गरिरहेको हमला, युक्रेन युद्ध, उर्जा सङ्कट, अमेरिकामा आउँदो नोभेम्बर महिनामा हुने राष्ट्रपतीय चुनाव लगायतका विषय चर्चामा रहेको बेला फ्रान्स र जर्मनीको मित्रताले ठूलो अर्थ राख्छ ।

जर्मनी र फ्रान्सबीच धेरै विषयमा तनाव रहेको बेलामा भएको यो भ्रमणले तनाव कम गर्ने अपेक्षा छ । रक्षा, आणविक उर्जा, विद्युतमा अनुदानलगायतका विषयमा जर्मनी र फ्रान्सको विवादले युरोपेली युनियनको काममै प्रभाव पार्दै आएको छ । परमाणु हतियार भएको राष्ट्र फ्रान्सले रक्षा मामिलामा युरोप आत्मनिर्भर हुनपर्ने बताउँदै आएको छ । जर्मनीले अमरिकाबाट खरिद गर्न लागेको हवाइ प्रतिरक्षा प्रणालीको फ्रान्सले विरोध गरेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्