पार्टी एकता प्रकृयामा शङ्का गर्नु पर्दैन : प्रचण्ड

मंसिर १, २०७५ शनिबार १८:१६:१७ | उषा तामाङ

दोलखा – नेपाल कम्युनिष्ट पार्टी ने क पा का अध्यक्ष पुष्पकमल दहाल प्रचण्डले पार्टी एकता प्रकृयामा शङ्का गर्नु पर्ने अवस्था नरहेको बताउनुभएको छ ।

शनिबार रिनेजम नेपालले आयोजना गरेको ‘प्रथम प्रकाश स्मृति कप’ राष्ट्रिय फुटबल प्रतियोगिताको उद्घाटनका लागि दोलखा आउनुभएका अध्यक्ष दहालले कार्यकर्ता भेटघाट कार्यक्रममा मंसिर ६ गते हुने पार्टी सचिवालय बैठकले प्रदेश र जिल्ला तहमा एकताको प्रकृया टुङ्गो लगाउने जानकारी दिनुभयो ।

उहाँले अहिले पनि एकता प्रकृया भाड्न स्वदेशी तथा विदेश केही तत्वहरु लागि परेको उल्लेख गर्दैै त्यस्ता हरेक बाधा अड्चनलाई पन्छाएर अगाडि बढ्ने प्रतिवद्धता समेत व्यक्त गर्नुभयो ।

उहाँले कमिटी निर्माणमा भएको ढिलाई विवाद र झमेलाको कारण नभएको स्पष्ट पार्नुभयो । दुई वटा ठूलो कम्युनिष्ट पार्टीको एकता विश्वकै लागि उदाहरणीय रहेको उल्लेख गर्दै यसले अहिले पनि कम्युनिष्ट पार्टी आक्रमक छ भन्ने सन्देश दिएको उहाँको भनाई थियो ।

विश्वमा कम्युनिष्टहरु रक्षात्मक अवस्थामा रहेको बेला नेपालमा भएको दुई ठूला कम्युनिष्ट पार्टीको एकता र कम्युनिष्ट पार्टीको नेतृत्वमा झण्डै दुई तिहाईको सरकार निर्माण असाधारण र दुर्लभ परिघटना रहेको अध्यक्ष दहालको भनाई छ ।

पार्टी एकताको बेला तल्लो कमिटीसम्म तीन महिनाभित्र एकता सक्ने भनेकोमा त्यस्तो हुन नसकेको स्वीकार गर्दैै अध्यक्ष दहालले तल्लो कमिटीसम्म एकता भैनसक्नुमा नेताहरुको विदेश भ्रमण, पार्टी अध्यक्ष तथा प्रधानमन्त्री केपी ओलीको स्वास्थ्य अवस्था र कार्यदलले सोचेअनुसार चाँडो काम गर्न नसक्नु रहेको बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पार्टी एकता प्रकृयामा शङ्का गर्नु पर्दैन : प्रचण्ड

फाइल फाेटाे

तपाईको प्रतिक्रिया