मानो पुरा नभएर होला मलेसियामा त्यो दिन बाँचियो

 असोज १३, २०७५ शनिबार १२:१८:४९ | मेरो कथा मेरो भोगाई

विष्णुराज थापा क्षेत्री । 

अहिले म भारतको मुम्बईमा छु । तर केही वर्ष पहिला म मलेसिया गएको थिएँ । म मलेसियाको सेलेङगर भन्ने ठाउँमा काम गर्थें । आइतबार काम बिदा हुन्थ्यो । बिदाको दिन कहिले काहीँ घुम्न बाहिर निस्किन्थ्यौं । 

एक पटक बिदाको दिन साथीसँग भेट्न नजिकैको बजारसम्म पुग्नु थियो । गुल्मीको एक जना साथी र म जाँदा ट्याक्सीमा गयौं । साथीसँग भेटेर दुई घण्टापछि फर्किने भयौं । जाँदा ट्याक्सीमा गएकाले फर्किंदा हिँडेरै फर्किने भयौं । 

बाटोको एक ठाउँमा झाडी थियो । हामी त्यहाँ आइपुगेपछि तीन चार जना मान्छे त्यही झाडीबाट निस्किए । उनीहरुले साथीको घाँटीमा तरवार तेस्र्याए अनि लाइटर आडा भनेर सोधे । उनीहरुको भाषाले उनीहरु तमिल हुन भन्ने हामीले ठम्यायौं । हामीले लाइटर छैन भन्यौं । 

उनीहरुले हाम्रो खानतलासी गर्न थाले । तीमध्ये एक जनाले हामीसँग भएका मोबाइल, सामान निकाल्न थाल्यो । मेरो पर्समा भएको नेपाली पैसा पनि छोडेनन् तिनीहरुले । उनीहरुले त्यो पनि मलेसियाकै रिंगिट भन्ने सोचे होला ।

अँध्यारो पनि भइसकेको थियो । गर्धनमा तरवार थियो । यदी थोरै मात्रै चलाइदिएको भए हामी सकिन्थ्यौं । भएको सबै लुटेपनि धन्न तरवार चाहिँ चलाएनन् । हामी बाँच्यौं । 

सायद मानो पुरा भएको थिएन होला । त्यही भएर बाँच्यौं । अहिले त्यतिबेला बोनसमा पाएको त्यही जिन्दगी जिउँदैछु । अहिले पनि बसाइ त परदेशमै छ, भारतमा । कहिलेकाहीँ त यसरी परदेश हिँड्दा हिँड्दै पराइभूमीमै प्राण त्याग्नुपर्ने हो कि भन्ने लाग्छ । त्यसैले सरकारलाई म नेपालीका यस्ता दिन अन्त्य गर्दै देशमै रोजगारीको वातावरण बनाइदेओस भन्न चाहन्छु । 
 

2 Comments

  • Raaz Lama

    Oct. 7, 2018, 4:56 p.m.

    हावापानी र भौगोलिक हिसाबले मलेसिया राम्रो देश भए पनि सुरक्षाको हिसाबले यो देश रोजगारीको लागि अरु देशहरु भन्दा धेरै नै चुनौतीपूर्ण देश भएको नेपाल सरकारलाई र रोजगारमा जाने कामदार आफैलाई थाहा हुँदा हुँदै फेरि पनि यहीँ देशमा आफ्नो श्रम बेच्न नेपाली युवाहरू तछाड मछाड गरिरहेका छन् ! यो देशको सुरक्षानितिको बारेमा अन्तर्राष्ट्रिय मानवअधिकार संगठनका पहलमा अन्तर्राष्ट्रिय बहस हुन जरुरी देखिन्छ ! होईन भने यो देशमा बिदेशी कामदार बराम्बार लुटियो र मारियो भन्ने समाचार सुन्नु कुनै नौलो र अनौठो मान्नुपर्ने अवस्था देखिदैन !

  • kailo kaji

    Sept. 30, 2018, 8:16 a.m.

    मलेसियामा तेस्ता घटना त सामान्य हुन।।पहिला कुटाइ खायर बल्ल लुटिने चलन रहेछ यहाँ ।।।

तपाईको प्रतिक्रिया

समाचार

लोकप्रिय

१

निजामती कर्मचारी ऐन संशोधन माथि छलफल शुरू

२

विद्रोहीले कब्जा गरेसँगै सिरियामा इजरायलको हवाई आक्रमण

३

रौतहट जीप दुर्घटना अपडेट : ज्यान गुमाउने आठ जनाको परिचय खुल्यो

४

प्रधानमन्त्री ओलीद्वारा बेलडाँगी खानेपानी आयोजनाको उद्घाटन

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई